الرئيس صدام حسين

السلام عليكم حبايب ياربي الكل بخير طبعا موضوع كلش رائع واتنمى محد يزعل من النقاش

اولا ما اتقصد احد بالكلام ولحد يزعل مني اول شي حبايب احنا كلشي الي يصير انكول صدام

حسين هو السبب ونظامة سوه الي ديصير بالعراق هذا ميخش بعقلي لآنه احنا جنا عايشين

بأمان واستقرار يعني في ايام النظام السابق لو طلقة وحدة ثارت بالجو تلكون الامن كله

محاصر مكان الصوت ويطلعون منو الي ضرب الطلقة مجان اكو تسليب ولا كان اكو طائفية

هسه صارت هاي الامور جنا متحدين ونجي انكول من واجهة ثانيه جان ظالم الشعب بهاي

اني وياكم صحيح جان يبني قصور وفلل وخزن ارصده بالبنوك بس هم جنا عايشين بأمان

صحيح الرواتب قليلة كانت بس هسه الرواتب صارت تقارب المليون دينار من بعض الموظفين

بس اكو شي واحد انتبهو عليه انه الاسعار صارت غالية كلش الايجار وصل لل 400 الف

والغاز وصل لل 50 الف يعني قيمة الراتب الحالي متكفي قبل جان ارخص والاهم من

هذا كله جان مسيطر على العراق لتكولون جان يكتل ويعدم ليش جنتو ساكتين كل

هاي المدة كلها هسه يله طلع لسانا وكمنا نحجي 35 سنة عايشين ومحد فتح

حلكة ردنا الديمقراطية للعراق هاكم الديمقراطية شوفو الكتل على الهويه انتا

شيعي تنكتل وانتا سني تنكتل وانتا مسيحي تنكتل حرت شكول للي

يشوفني اخاف انكتل منين اني ليش منكول امريكا من وره هاي

المشاكل كلها وكل الي ديصير بالعراق مخطط اله ومرسوم ويعرفون

شراح يصير بينا همه الهم النفط وبس ميهمه العراق وماكو فرصة

لآنقاذ العراق ياهو الي يجي ويحجي ويريد يسوي فد شي

للعراق ثاني يوم تلكون كتلو ابنه لو اخوه او واحد من اهلة

يضطر يسافر ويهجر البلد مينطون مفكة لواحد يسوي شي

كل واحد يحجي بكيفة والاقوى هو الي مسيطر محد يكدر

يحجي والي يحجي ينكتل ناس ملتهيه بالخمط وناس ثانية

ملتهية بالقتل ومحد بحال اوضاعنا الفقيريفكر اشلون

يعيش ما بيده شي بس يكول يا رب ارحمنا واحنا

ما عدنا بس نعتب على صدام ونلومة على صار

مو دفاعا عن صدام بس الحقيقة تنراد بكل

وقت صدام حسين كهرباء الي ميلزمة

مينتل بيها ياهو الي يجي يكول هو

وحزب البعث هسه هم هزب البعث

لو الارهابيين الي بالشوارع

او الي يسموون نفسهم

مقاومة يفجر نفسه

بالشارع يجرحلة

امريكي واحد

ويكتل 100

عراقي



شوكت راح يعمر العراق اذا هذا تفكيرنا والي يقهرني اكثر واحد عايش بره صارلة سنين ويحجي على العراق

و الاوضاع تعال للعراق وسوي شي لتصرح بكيفك وانتا بعيد وعايش بنص الخير تعال شوف حال العراقي

بعينك بعدين احجي واتمنى محد يزعل مني لآنه ما اتقصد احد بكلامي ابد بس احجي الي اشوفه كدامي

والي دا اعيشة ... عاشت ايدي على الموضوع الجميل ... تقبل مروري[url][/url]