منتديات ليالي بغداد

اهلا وسهلا بكم في منتديات ليالي بغداد نتمنى قضاء اجمل الاوقات معنا


    طريقة صنع الايميج واسترجاعها حصريا مستر عراق وداعا للفرمتة

    شاطر
    avatar
    علي الطائي
    مـــديـــر العام
    مـــديـــر العام

    طريقة صنع الايميج واسترجاعها حصريا مستر عراق وداعا للفرمتة

    مُساهمة  علي الطائي في السبت مارس 28, 2009 8:59 am

    بسم الله الرحمن الرحيم
    بالبداية اهدي هذا الموضوع لاخوي وصديقي وعزيز دلشاد الغالي ونتمنى رجعته باقرب وقت ربي يسهل علية

    الفرمتة وهي عبارة عن عملية تعلب النفس وتطلع الروح وتعال عرف ونصب برامج ورا تنصيب الويندوز ولغاوي وعملية تطول الى ان تكدر ترجع حاسبتك الى سابق عهدها
    سمعنا ودنسمع عن طرق عديدة تسوي باك اب للنظام عن طريق الوندوز نفسة واكثرها متفيد او تحتاج برامج ودوخة ووووووووووووووووووووو
    صارلي مدة جاي اشتغل بموضوع والحمد لله كملته اخيرا
    طريقة عمل ايميج لليوندوز واسترجاعها
    بهاي الطريقة تسوي ايميج للويندوز بكل برامجة وتحديثات الانتي والتعاريف يعني من تحس الويندوز مالتك تخربط تكدر ترجعة لافضل حالة جان بيها وطبعا هالحالة انته تقررها من تسوي الايميج مالتك
    المهم هسه ندخل بالموضوع الرئيسي
    ما اتصور واحد ماعندة قرص انس 9 مستحيل جذب خرافة هع
    واللي ماعندة اكو هواي اقراص بيها هيرن بوت ونظام اصلاح واقراص انقاذ
    طبعا اختاريت قرص انس لان اقرب الكم الممسافة والا الهيرن بوت موجود بكل ديفيدي تقريبا كولكشن برامج
    هسه نبدي الدرس والمكون من قسمين اول قسم عملية صنع الايميج والصاني استرجاعها
    نبدي اول منشغل القرص بحالة الاقلاع ( دخل القرص ورست الحاسبة وانتضر )
    رح تطلع قائمة بيها عادة 4 اختيارات نختار الاول واللي هوه
    srart hirens boot 9.5 install وطبعا بس مجرد ندوس على رقمة الاختيار بدون اي شي اضافي
    مثلا اذا جان رقم الاختيار 1 فندوس واحد وبقرص انس رقم 1 طبعا
    رح تطلع النا اختيارين نحتار رقم 2 طبعا اللي هوه
    boot from hard drive وهمين بدون انتر بس رقم 2 فقط
    راح تطلع النا قائمة بيها همين اختيارات عدة نختار منها
    disk clone tools واللي رقمة همين 2 بس ندوس enter هالمرة
    راح تطلع قائمة بيها اختيارات هواي يمكن 9 نختار رقم 2 اللي هوه
    norton gost 11.0.2..
    وندوس انتر بعدها
    هسه الاختيار الاخير اللي هوه gost (normal)
    والل يكون رقم 8 وهمين ندوس انتر وننتضر يقوم ببعض عمليات القراءة الى ان تضهر النا شاشة مثل هاي الصورة

    طبعا ماكو اختيار غير ندوس ok

    نتبع الصورة الجاية

    نحتار to image
    نشوف الصورة اللي بعدها

    اوكي مثل ما موضح بالصورة
    نشوف اللي بعدها

    طبعا اني مقسم 2 بس فانتو اختارو البارت اللي تردون تسوولة ايميج او ثنينهن ماكو مشكلة ودوسو اوكي

    هسه نختار مكان حفظ الصورة مؤقتا على الهارد ونختار تسمية الها وراهه ندوس كلمة save للحفظ

    هنا جودة الايميج
    1 = نورمل طبيعي
    2= سريع
    3= هيوج عالي ( بس يتاخر شوية )
    ننتضرة الى ان يكمل ونكولة اوكي

    هنا المرحلة الاخيرة نختار quit او ندوس شيف والت ودليت حتى يرست ونطلع السيدي


    انتهت عملية صنع الصورة هسه اكو شغلة اخيرة طبعا نكدر نستنسخ الايميج او الملف الناتج على قرص ديفيدي ونخلية للضرورة

    الان عملية استرجاع الصورة الماخوذة
    طبعا ندخل بنفس الطريقة السابقة وهسه نبدي اولا


    طبعا ماكو اختيار غير ندوس ok


    لا حظ هسه اختاير from image

    هسه نختار البارتشن اللي خزنة علية الصورة او قرص الديفيدي اذا حركناهه على قرص طبعا

    لا حضو اعزائي اني مخليهن على الدي ومسوي ايميج عدد 2 حسب احتياجي المهم نختار اي واحد وندوس علية اوبن

    ندوس اوكي بدون مقدمات ومؤخرات هع

    وهمين اوكي

    بالصورة الجاية نحدد مكان الاسترجاع وطبعا السي اول واحد وراهه اوكي

    هسه بالصورة الجاية تاكيد على العملية وطبعا كولة yes

    اخر شي طفو الحاسبة طبعا رح يطلع الكم ريستارت ورا انتهاء العملية وترجع الصورة اللي اخذتوها من النظام
    طبعا تكدرون تاخذون صورة او اكثر من صورة حسب احتياجكم
    اي شي ممفهوم اني بالخدمة
    تحياتي وارجو منكم الدعاء
    اخوكم علي
    ملاحظة خليت روابط الصور بملف تيكست اللي متطلعة الصورة مال الطريقة الفلانية خلي يحملهن من المرفقات
    تم تحديث الموضوع ووضع صور العملية بالمرفقات
    باسم

      الوقت/التاريخ الآن هو الأحد أغسطس 19, 2018 10:38 pm